Бұған дейін Еуразиялық экономикалық комиссия кеңесі ЕАЭО аясындағы тауарлардың электронды саудасы туралы келісім жобасын мақұлдаған болатын. Құжат қол қоюға қажетті мемлекетішілік процедуралардан өту үшін ұйымға мүше мемлекеттерге жіберілді, деп хабарлайды QazMonitor.
Жаңа ережелерге сәйкес, шетелдегі интернет-дүкендерден сатып алынатын барлық тауарлар бұдан былай «жеке пайдалануға арналған тауар» болып саналмайды. Олар енді «электронды сауда тауарлары» мәртебесіне ие.
ЕАЭО елдеріне шетелден тауар әкелудің бажсыз шегі 200 евро деңгейінде қалды. Егер тауардың құны 200 еуродан аспаса, баж салығы алынбайды. Ал егер сатып алынған тауар 200 еуродан қымбат болса, онда сатып алудың жалпы сомасынан 5% көлемінде баж салығы төленуі тиіс.
Сонымен қатар, 16% мөлшеріндегі қосылған құн салығын ескеру қажет. Ең төменгі баж салығы тауардың әр келісіне 1 увроны құрайды. Мысалы: Егер құны 300 еуро болатын тауар сатып алынса, оны алған кездегі жалпы шығын шамамен 360 еуроға жетеді.
Айта кетерлігі, бұл ережелер ЕАЭО елдері ішіндегі - Армения, Беларусь, Қырзызстан және Ресейден жасалатын сауда-саттыққа қатысты емес.
