Қазақстанның жаңа даму моделіне көшуі барған сайын цифрлық технологияларға, экономика мен қоғамның негізгі инфрақұрылымына негізделіп келеді. Өткен 2025 жыл, яғни еңбек кәсіптеріне арналған жыл, еңбек қауіпсіздігі мен адам капиталы құндылығын алға шығарды, ал 2026 жылды Мемлекет басшысы Цифрландыру жылы деп жариялауы елдің жүйелі технологиялық трансформациясына стратегиялық бағыт алғанын білдірді.
Осы тұрғыдан келгенде қазақстандық AG TECH компаниясының қызметі тұтас цифрлық шешімдер экожүйесін қалыптастыруға бағытталған, ол тұжырымдамадан бастап пайдалануға беруге дейінгі толық циклді қамтиды. Мұндай тәсіл технологияларды өндірістік және инфрақұрылымдық процестерді басқарудың тұрақты құралы ретінде енгізуге мүмкіндік беріп, қауіпсіздік пен өмір сапасына тікелей әсер етеді.
Өнеркәсіптік қауіпсіздіктің цифрландырылуы
Бүгінгі таңда өнеркәсіптік қауіпсіздіктің цифрландырылуы жеке кәсіпорындардың ішкі міндетінен асып, қоғамдық тұрақтылық факторына айналуда. Тау-кен өндіру және металлургия салалары маңызды рөл атқаратын Қазақстан үшін жұмысшылардың өмірі мен денсаулығын қорғау өңірлердің дамуы мен әлеуметтік тұрақтылықпен тікелей байланысты.
Осы жағдайларда бақылау, басқару және аналитиканы бір жүйеге біріктіретін цифрлық платформалардың маңызы арта түседі. Мұндай шешім AG TECH-тің флагмандық өнімі – DMMS отандық өндірісті басқару жүйесі болып табылады.
2025 жылы DMMS Қазақстандағы бірқатар ірі өнеркәсіптік нысанда енгізіліп, кеңейтілді, соның ішінде «Қазақмыс Корпорациясы» ЖШС, «Qarmet» АҚ, «ШалқияЦинк ЛТД» ЖШС және «АК Алтыналмас» АҚ кәсіпорындары бар. Барлық жобалар енгізудің соңғы кезеңінде тұр және өнеркәсіптік пайдалануға енгізу кезеңіне өтуде.
Енгізудің негізгі бағыты DMMS өнеркәсіптік қауіпсіздік модульдері — позициялау жүйесі, аэрогаздық бақылау және апаттық хабарландыру болды. Мұндай басымдық өнеркәсіптің өмірді қорғауға және еңбек қауіпсіздігінің заманауи мәдениетін қалыптастыруға тікелей ықпал ететін цифрлық шешімдерге саналы сұранысын көрсетеді.
Диспетчерлік орталықтар
Диспетчерлік және аналитикалық орталықтар ірі өнеркәсіптік және инфрақұрылымдық жүйелерді басқарудың негізгі құралына айналып, біртұтас ақпараттық кеңістік пен нақты уақыт режимінде шешім қабылдауды қамтамасыз етеді.
AG TECH ҚазМұнайГаз компаниясының басты диспетчерлік-аналитикалық орталығын және Qarmet көмір департаментінің диспетчерлік орталығын құру жобаларын жүзеге асырды. Екі орталық та DMMS жүйесінің негізінде жұмыс істейді. Қазіргі уақытта компания олардың кешенді техникалық қызметін қамтамасыз етіп, тұрақты әрі үздіксіз жұмысты қолдап отыр.
2025 жылы Астанадағы Alem.ai халықаралық жасанды интеллект орталығында Presight компаниясының командалық орталығын құру басталды. Бұл жоба диспетчерлік орталықтардың классикалық мониторингтен интеллектуалды басқаруға қарай эволюциясын көрсетеді.
Технологиялық дербестік және индустриялық бастамалар
Экономиканың цифрлануы жағдайында технологиялық дербестікті нығайту ұлттық дамудың негізгі міндеттерінің бірі болып табылады. Қазақстан үшін бұл дайын шешімдерді импорттаудан өз индустриялық базасын қалыптастыруға көшу дегенді білдіреді.
2025 жылы AG TECH жоғары технологиялы өндірісті жерсіндіру және отандық IT-инфрақұрылымды дамыту жобаларын бастады. xFusion компаниясымен бірге Қазақстанда серверлік жабдықтарды өндіру және жинау зауытын құру мәселесі қарастырылуда. Тағы бір стратегиялық бастама ретінде Цифрлық даму министрлігі және америкалық Clearbrook Energy Solutions компаниясымен Қазақстанда BESS энергияны сақтау жүйелерін өндіретін зауыт салу туралы меморандумға қол қою болды. Жоба Қазақстанның энергетикалық көшуі үшін маңызды қадамға айналып, энергетикалық қауіпсіздікті нығайтып, жаңартылатын энергия көздерін интеграциялау үшін негіз жасайды.
Марапаттау
AG TECH компаниясының 2025 жылғы қызметінің нәтижелері мемлекеттік және халықаралық деңгейде жоғары бағаланып, жүзеге асырылған жобалардың қоғамдық маңыздылығын және елдің цифрлық дамуына қосқан үлесін растады.
Digital Almaty және Almaty Fair AI секілді халықаралық шаралар аясында аймақ елдерінің мемлекет басшылары мен үкімет мүшелеріне отандық цифрлық шешімдерді көрсету Қазақстанның цифрландыру және өз технологиялық платформаларын әзірлеу саласындағы қалыптасқан әлеуетін айқындады.
AG TECH компаниясы «Алтын Сапа» Президент сыйлығын «Үздік инновациялық жоба» аталымы бойынша иеленді. Технологиялық саланың дамуына жеке үлесі үшін компанияның негізін қалаушы және бас директоры Александр Подвалов «Құрмет» орденімен марапатталды.
«2026 жылды Цифрландыру жылы деп жариялау — мақсат емес, бағдар. Цифрлық шешімдер ел экономикасы мен күнделікті өмірдің тұрақты бөлігіне айналып, қауіпсіздік, тиімділік және даму қамтамасыз етуі тиіс. Қазақстан жаңғырудың жаңа кезеңіне қадам басты, және бүгінгі таңда осы өзгерістердің куәгері боламыз ба, әлде олардың белсенді қатысушысы боламыз ба – бәрі өзімізге байланысты».
