Астана маңындағы күнделікті рекреация, демалыс күндеріне арналған және экотуризм аумақтары экопарктердің үш түрі ұсынылды, деп хабарлайды QazMonitor.
Елорданың айналасындағы табиғи ресурстардың әртүрлілігі экологиялық, спорттық және агротуризмді жыл бойы дамытуға мүмкіндік береді. «Бурабай», «Көкшетау», «Бұйратау» мемлекеттік ұлттық табиғи парктері және Қорғалжын қорығының болуы өңірді туризмнің барлық түрін дамытуға перспективалы етеді.
Екопарктер үшін нақты балама локациялар Ақкөл, Аршалы, Целиноград аудандары мен Қосшы қаласында белгіленді. Осы аймақтар «Астананың жасыл белдеуі» аясында орман алқаптары ретінде жоғары экологиялық тұрақтылыққа ие болып, экосоқпақтар, серуендеу маршруттары және веложолдары бар орман экопарктері ретінде пайдаланылмақ.
Кіші Талдыкөл аумағында да экопарк құру жоспарланып отыр. Жобалық-сметалық құжаттама әзірленіп, іске асыру жұмыстары басталған. Сондай-ақ, қала мен Целиноград ауданы арасында орналасқан аумақта демалыс күндеріне арналған экопарк құру ұсынылды.
Астана қаласының әкімі Жеңіс Қасымбек қала тұрғындары мен қонақтары үшін қолжетімді, экологиялық таза демалыс аймақтарын құрудың маңызды екенін атап өтті. Қалада жыл сайын шамамен 170 аула мен қоғамдық кеңістік абаттандырылып, 1 млн жасыл желек отырғызылады. Ақмола облысымен бірлесіп, қала сыртындағы экопарктерді кеңейту және жаңаларын құру жұмыстары жалғасады.
Айта кетейік, елордаға іргелес орналасқан «Бурабайға» жыл сайын 1,5 млн-ға дейін адам келіп, олардың шамамен 60%-ын басқала тұрғындары құрайды.
