Астана қаласы бойынша Бәсекелестікті қорғау және дамыту департаменті қатты тұрмыстық қалдықтарды (ҚТҚ) сұрыптау және қайта өңдеу нарығында тексеру жүргізді. Тексеріс нәтижесінде елордалық ірі кәсіпорынның қызметінде заң бұзушылықтар тіркелді, деп хабарлайды QazMonitor.
Тергеп-тексеру мәліметтеріне сәйкес, «Astana Recycling Plant» ЖШС 2023 жылдың екінші жартыжылдығында өз қызметтеріне монополиялық жоғары бағалар белгілеген.
Атап айтқанда, қызметтің өзіндік құнына тікелей қатысы жоқ шығындар қосылған. Сонымен қатар нарықтағы үстем жағдайды пайдаланып, тұтынушыларға тиімсіз шарттар таңылған.
Сот шешімімен компанияға 54 млн теңге айыппұл салынды.
