Енді азаматтар мен кәсіпкерлер жер учаскесін жалдау мерзімін ұзарту, жерді жеке меншікке біржолғы төлеммен немесе бөліп төлеу арқылы сатып алу, сондай-ақ жер учаскесінің нысаналы мақсатын өзгерту туралы шешімді онлайн түрде ала алады, деп хабарлайды QazMonitor.
Аталған сервистер мемлекеттік қызметтерді алу үдерісін жеңілдетуге, өтініштерді қарау мерзімдерін қысқартуға және жер қатынастары саласындағы рәсімдердің ашықтығын арттыруға бағытталған.
Электрондық қызметтер ҚР Ауыл шаруашылығы министрлігінің Жер ресурстарын басқару комитеті мен ҚР Жасанды интеллект және цифрлық даму министрлігінің бірлескен жұмысы аясында іске қосылды.
