Қазақстан еңбек нарығында жұмыс форматы өзгеріп жатыр: жұмыс берушілер арасында икемді жұмыс кестесі мен қашықтан жұмыс форматтары кеңейіп келеді. hh.kz платформасының талдауына сәйкес, бұл форматтар ең алдымен цифрлық және креатив салаларда, сондай-ақ қызмет көрсету секторында жиі кездеседі, деп хабарлайды QazMonitor.
2024 жылдан бері икемді кесте бойынша бос жұмыс орындарының саны ең көп өсім көрсеткен мамандықтар: асшылар, наубайшылар, кондитерлер (3 еседен артық), даяшылар, бармендер, баристалар (3 есеге жуық), әкімшілер, дәрігерлер, сатушы-консультанттар.
Өңірлер бойынша өсім Алматыда 1,5% қысқарса, Астанада 4,3% өскен. Ең үлкен өсім Қостанайда (+31,8%), Атырауда (+28,8%), Қарағандыда (+23,5%), Шымкентте (+20,7%) байқалуда.
2025 жылы икемді кесте бойынша түйіндеме саны 2024 жылмен салыстырғанда барлық негізгі мамандықтарда азайған. Ең көп қысқару сату менеджерлері (35,5%), сатушы-консультанттар, бағдарламашылар, SMM-мамандары (шамамен 30%) арасында тіркелген. Күтілетін жалақы көбіне 200-300 мың теңге аралығында.
Қашықтан жұмысқа сұраныс әсіресе SMM, маркетолог, дизайнер, бухгалтер мамандықтарында артқан. Білім беру саласында 70%, IT-да 62,6% өсу байқалған. Ал сату менеджерлері қашықтан жұмыс бойынша ең жоғары жалақы ұсынылатын позиция болып тұр (500 мың теңгеден жоғары).
Қашықтан жұмыс ұсынысы Алматыда 84,2%, Астанада 88,4% өссе, Қарағанды, Шымкент, Ақтөбе сияқты өңірлерде де өсім байқалады.
