Алматы прокуроры Серік Кәріпбеков пен Yandex Qazaqstan атынан компания басшысы Тимур Шалекенов алимент төлеуден жалтарғандарға қарсы және балалардың құқықтарын қорғауға әрекет етуге бағытталған ынтымақтастық туралы меморандумға қол қойды, деп хабарлайды QazMonitor.
Прокуратура формальді түрде жұмыссыз, бірақ іс жүзінде цифрлық платформалар, оның ішінде Яндекс Такси сервистері арқылы табыс тауып жүрсе де, қасақана алимент төлемейтіндер фактілері анықталғанын атап өтті.
Былтыр қалада 110 осындай факті анықталған, 57 адамға әкімшілік ықпал ету шаралары қолданылып, 10 факті бойынша сотқа дейінгі тергеп-тексеру басталды.
Қол қойылған келісім, жүйелі және заңды ақпараттық өзара іс-қимылды, жедел мәлімет алмасуды, сондай-ақ кірістерді жасыру және алименттік берешектің пайда болу фактілерін анықтауға және жолын кесуге жәрдемдесуді көздейді.
