HeadHunter платформасының 2026 жылдың басында жүргізген зерттеуіне сәйкес, жұмыс берушілердің 24%-ы үміткерлердің еңбекақыға деген талаптары артқанын атап өткен, деп хабарлайды QazMonitor.
hh.kz дерегінше, жұмыс берушілер кандидаттар мінез-құлқындағы басты өзгерістердің бірі ретінде жалақы күтулерінің өсуімен қатар, жұмыс ауыстыруға деген сақтықтың артқанын да көрсеткен. Сауалға жауап бергендердің 27%-ы үміткерлер жаңа ұсыныстарды қабылдауда бұрынғыдан да байыппен қарай бастағанын айтқан.
Сонымен қатар компаниялардың 27%-ы қызметкерлердің ауысуын азайту мақсатында 2026 жылы еңбекақы жүйесін қайта қарауды жоспарлап отыр. Алайда бұл бағыт барлық жұмыс берушілер үшін басымдыққа айналмаған: сауалнамаға қатысқан компаниялардың басым бөлігі жалақыдан бөлек, бейімдеу, оқыту және ішкі процестерді жетілдіруге көбірек мән берген.
HeadHunter сарапшыларының пікірінше, жалақы күтулерінің өсуі еңбек нарығындағы ұстамды ахуал аясында қалыптасып отыр. Мұндай жағдайда жұмыс берушілер жаппай жалақы өсіруден гөрі, персоналды ұстап қалуға бағытталған теңгерімді HR-шешімдерге басымдық беруде.
