Жаңа бағыт Жетісу облысының көлік қолжетімділігін арттырып, елорда мен өңір арасындағы жолаушылар қатынасын жақсартуға мүмкіндік береді, деп хабарлайды QazMonitor.
Бастапқы кезеңде екі жолаушылар вагоны №122/121 «Нұрлы жол – Семей» пойызының құрамында күн ара қатынайды. Ақтоғай станциясында вагондар №631/632 «Ақтоғай – Талдықорған» пойызына тіркеліп, маршрут бойымен үздіксіз қатынас қамтамасыз етіледі.
Көлік министрлігі бұл кезең сынақ ретінде қарастырылатынын атап өтті. Тұрақты сұраныс қалыптасқан жағдайда вагондар саны мен қатынау жиілігі арттырылады.
Пойыз қозғалысын сәуір айында бастау жоспарланған. Бұл Талдықорған қаласындағы жаңғыртылған теміржол вокзалының ашылуына орайластырылған.
