World Justice Project деректеріне сәйкес, Қазақстан 2025 жылғы Rule of Law Index рейтингінде Order and Security (Тәртіп пен қауіпсіздік) факторы бойынша 143 елдің ішінде 42-орынға ие болды, деп хабарлайды QazMonitor.
Аталған көрсеткіш мемлекеттердегі қоғамдық қауіпсіздік деңгейін сипаттайды. Бір жыл бұрын Қазақстан бұл санатта 43-орында тұрған.
Шығыс Еуропа мен Орталық Азия елдері арасында Қазақстан рейтингтің 6-орнын иеленді.
Order and Security факторы қоғамдық тәртіп пен қауіпсіздік ахуалын бағалайды. 2025 жылы бұл көрсеткіш бойынша Қазақстан Франция, Италия, Португалия, Грузия, Түркия, Грекия және Ресейден озық нәтиже көрсетті.
