2025 жылы Ұлттық қоғамдық денсаулық сақтау орталығы елімізде алғаш рет эпидемиологиялық онлайн-картаны іске қосты, деп хабарлайды QazMonitor. Жоба санитариялық-эпидемиологиялық қауіпсіздікті күшейтуге және аурулардың таралуын жедел бақылауға бағытталған.
Онлайн-карта Қазақстан аумағындағы және шетелдегі, оның ішінде қазақстандықтар жиі баратын елдердегі эпидемиологиялық жағдайды нақты уақыт режимінде қадағалауға мүмкіндік береді.
Орталық құрамында вирусология, бактериология, паразитология, аса қауіпті инфекциялар, химиялық-токсикологиялық зерттеулер, радиациялық қауіпсіздік және геномдық реттілік бағыттары бойынша алты зертхана жұмыс істейді. 2025 жылы 1500-ден астам зерттеу жүргізіліп, COVID-19, қызылша, тұмау және басқа да инфекциялар бойынша 1600-ден астам талдамалық материал дайындалған.
