Ақтөбедегі Әлия Молдағұлова атындағы халықаралық әуежайында 2025 жылы жолаушылар ағыны алғаш рет миллион адамнан асты, деп хабарлайды QazMonitor. 2025 жылы Шарм-эль-Шейх бағытына – Air Cairo, Доха мен Фукуок бағыттарына – SCAT, сондай-ақ Стамбұлға – Pegasus Airlines компаниялары жаңа халықаралық рейстер ашты.
2026 жылы әуежай желісін одан әрі кеңейтіп, Баку, Мәскеу, Тбилиси, Нячанг және Үрімші бағыттарына рейстер ашу жоспарланып отыр.
Инфрақұрылымды дамыту аясында ҚазМұнайГаз-Аэро компаниясымен бірлесіп, JET-A1 отынына арналған заманауи модульдік қойма және халықаралық стандарттарға сай жанармай кешені салынады. Инвестицияның жалпы көлемі 5 млрд теңгеге бағаланған.
Сонымен қатар, S SISTEM инвесторының қатысуымен жүк инфрақұрылымын дамыту жобасы жүзеге асуда. Жаңа кешен жүк өңдеу, e-commerce инфрақұрылымы және қауіпті жүктерге арналған нысандарды қамтиды.
