Алматыда «Алсеко» компаниясы тұтынушыларға ресми мәлімдеме жасап, әлеуметтік желілер мен түрлі арналарда тараған қауесеттерге сенбеуге шақырды, деп хабарлайды QazMonitor.
Компанияның хабарлауынша, соңғы уақытта жүйеде техникалық ақаулар бар екені және шоттарды төлемеуге үндейтін ақпараттар тарап жатыр. Бұл мәліметтер шындыққа жанаспайды.
Мәлімдеме Instagram әлеуметтік желісіндегі ресми парақшада жарияланды. Онда компанияның штаттық режимде, ешқандай ақаусыз және үзіліссіз жұмыс істеп тұрғаны айтылған.
Сонымен қатар, компания есептегіш құралдардан көрсеткіш енгізу процесі толық автоматтандырылғанын хабарлады. Енді SMART ЖКХ жеке кабинетінде ыстық және суық су есептегіштерінің көрсеткіштерін жасанды интеллект көмегімен автоматты түрде тану функциясы қолжетімді.
