Nazarbayev University алғаш рет Times Higher Education рейтингі жарияланған Орталық Еуразия университеттерінің беделді рейтингісінде төртінші орынға ие болып, түркі әлеміндегі үздік бес жоғары оқу орнының қатарына енді, деп хабарлайды QazMonitor.
Жаңа тізім 2026 жылғы жаһандық World University Rankings деректеріне негізделген. Аймақтағы 122 университеттің ішінде қазақстандық ЖОО түркиялық Boğaziçi University-мен бірге 4-орынды бөлісті. NU тек үш түрік университетіне – Koç University, Middle East Technical University және Sabanci University-не жол берді.
2010 жылы құрылғанына қарамастан, NU Орталық Азиядағы көшбасшы позициясын сақтап отыр. Университет шетелдік студенттер мен оқытушылар үлесі, ғылыми жарияланымдар саны және халықаралық әріптестік көрсеткіштері бойынша жоғары белсенділік танытқан.
PhD бағдарламаларын қолдау аясында университет бөлетін гранттар саны екі есеге артып, 200-ге жетті. Қосымша гранттар барлық бағыттар бойынша қолжетімді, құжат қабылдау 2026 жылдың наурызына дейін жалғасады.
Сондай-ақ NU түрік университеттерімен бірлескен ғылыми жобаларды дамытып, академиялық алмасу бағдарламаларын кеңейтуде. Университет жанындағы Ақылды жүйелер мен жасанды интеллект институты (ISSAI) түркі тілдеріне арналған MangiSoz 3 және TilSync көптілді платформаларын әзірлеп жатыр.
Айта кетейік, пилоттық рейтингке Түркі мемлекеттері ұйымына мүше Әзербайжан, Қазақстан, Қырғызстан, Түркия және Өзбекстан университеттері енді.
