25 ақпан күні Қарағанды облысында жоспарлы оқу-жаттығу ұшулары кезінде Су-30СМ жойғыш ұшағы апатқа ұшырады, деп хабарлайды QazMonitor. Экипаж дер кезінде катапульт жасап, ұшқыштардың өмірі мен денсаулығына қауіп жоқ.
Қазіргі уақытта олар медициналық мамандар бақылауында, ал ұшақ құлаған аумақ қоршауға алынды. Тұрғындар мен инфрақұрылым нысандарына ешқандай қауіп жоқ.
ҚР Қорғаныс министрлігі оқиғаның себептері мен мән-жайын анықтау үшін арнайы комиссия құрды. Комиссияны ұшу қауіпсіздігі жөніндегі департамент басқарады, құрамына авиациялық қызметтің мамандары кірді.
Тергеу қорытындысы бойынша құқықтық баға беріледі және процессуалдық шешім қабылданады.
