ҚР Денсаулық сақтау министрлігі 2025 жылы елімізде дәрілік заттардың бағасын мемлекеттік реттеудің жаңартылған тетігін іске асыруда. Бұл жүйе баға қалыптастырудың ашықтығын, объективтілігін және болжамдылығын арттыруға бағытталған, деп хабарлайды QazMonitor.
Қазіргі уақытта 4994 сауда атауындағы дәрілік заттарға шекті бағалар бекітілген. Сонымен қатар, 1707 рецептісіз сатылатын препарат мемлекеттік реттеуден шығарылып, нарықтық бағамен сатылады, алайда уәкілетті органдардың тұрақты бақылауында.
Еліміздің 20 өңірінде жүргізілген мониторинг нәтижелері көрсеткендей:
Қыркүйекте позициялардың 34%-ында баға орта есеппен 7,8%-ға төмендеген;
Қазанда позициялардың 50%-ында баға орта есеппен 11,1%-ға төмендеген.
Айтарлықтай баға төмендеуі байқалған препараттар:
Гепар комп. Хеель — 41,2%;
Ревмоксикам® — 32,5%;
Цефяпс — 31,6%;
ВАЛМАК-Н — 24,7%;
Зитмак® — 20,0%.
Комитет еліміздің барлық өңірлерінде дәрілік заттардың бағасын жүйелі түрде бақылауды жалғастыруда. Шекті бағаларды асыра сату фактілері анықталған жағдайда, заң бойынша жауапкершілік қарастырылған.
