Air Astana әуе компаниясы Таяу Шығыс бағытындағы бірқатар тұрақты рейстерді уақытша тоқтату мерзімін ұзартты, деп хабарлайды QazMonitor.
Әуе тасымалдаушының мәліметінше, Дубай, Жидда, Медина және Доха қалаларына ұшатын рейстер 10 наурызды қоса алғанға дейін орындалмайды. Сонымен қатар аталған бағыттарға билеттерді сату 17 наурызға дейін уақытша тоқтатылды.
Жолаушылар үшін тегін қайта брондау мүмкіндігі 30 сәуірге дейін қолжетімді. Ал бұрын сатып алынған билеттерді 11 наурызға дейін қайтаруға болады.
Компанияның хабарлауынша, бұл шешім аймақтағы ахуалға байланысты қабылданған. Қазіргі уақытта әуе тасымалдаушы Таяу Шығыстағы жағдайды мұқият бақылауды жалғастырып отыр.
