Оқу-ағарту министрлігі өткен жылдардағы тәжірибені зерделей отырып, 1-сыныпқа қабылдау науқанының басталу мерзімін өзгерту туралы шешім қабылдады, деп хабарлайды QazMonitor. Енді құжат қабылдау бұрынғыдай 1 сәуірде емес, 27 мамырда басталады.
Бұл туралы Оқу-ағарту министрі Жұлдыз Сүлейменова әлеуметтік желідегі парақшасында мәлімдеді.
Министрліктің мәліметінше, өзгеріс құжат қабылдау процесін тиімді әрі сапалы ұйымдастыру және оқу процесіне кедергі келтірмеу мақсатында енгізілген.
«Биыл құжат қабылдау 27 мамыр, сәрсенбіден басталып, 31 тамызға дейін жүргізіледі. Қазіргі таңда база бірнеше мәрте тесттен өтіп жатыр, ата-аналар үшін барынша қолайлы жағдай жасалды, оны қосымша таныстыратын боламыз», – деді министр.
