Қазақстанда электр энергиясы қымбаттауы мүмкін деп мәлімдеді Энергетика вице-министрі Сұңғат Есімханов. Бағаның өсуі екінші тоқсанның соңына қарай болуы ықтимал, деп хабарлайды QazMonitor агенттігі Kapital.kz сілтеме жасап.
«Мүмкін, екінші тоқсанның соңына қарай қандай да бір өзгерістер болар. Біз электр энергиясын өндіру тарифін реттейміз. Электр энергиясы бойынша өтінімдер өткен жылы да түскен, қазір де әріптестеріміз жүгініп жатыр», – деді ол үкіметте өткен брифингте.
Оның айтуынша, шығындардың өсуіне электр станциялары қызметкерлерінің жалақысын көтеру негізгі себеп болып отыр.
«Басқа да шығындардың белгілі бір өсімі бар, мысалы, біз газ бағасын көтердік – газ бойынша шығындардың бір бөлігі әлі күнге дейін станциялар тарифінде ескерілмеген, тіпті бұл бағытта белгілі бір шығын да бар. Сондай-ақ ЖЭО үшін су бағасы екі есе өсті. Біз бұл шығындарды өз құзыретіміз аясында тексеріп жатырмыз. Көмір бағасының өсуіне сілтеме жасалды, бірақ біз «Богатырь Көмірде» көмір бағасы өспегенін біле тұра, мұны қабылдамаймыз», – деп толықтырды ол.
