City transportation systems компаниясы Астанадағы LRT желілерінің схемасы мен станция атауларын жариялады. Жеңіл рельсті көлік желісі елорданың сол жағалауы арқылы өтіп, Нұрсұлтан Назарбаев халықаралық әуежайы мен «Нұрлы жол» теміржол вокзалын байланыстырады, деп хабарланады компания сайтында.
Бағыттың жалпы ұзындығы 22,4 шақырымды құрайды. Желіде 18 станция қарастырылған. Станциялар тізімі:
1. Әуежай;
2. Атамекен;
3. Есіл;
4. Мәңгілік Ел;
5. Астана жұлдызы;
6. Нұра;
7. Университет;
8. Ұлы Дала;
9. Астана Арена;
10. Жекпе-жек сарайы;
11. Сығанақ;
12. Бәйтерек;
13. Министрліктер үйі;
14. Ұлттық музей;
15. Театр;
16. Мыңжылдық аллеясы;
17. Жібек жолы;
18. Нұрлы жол.
Олардың ішінде 11 станция жер деңгейінде, тағы 7-еуі эстакадаларда орналасқан.
Жүйе күн сайын сағат 06:00-ден 23:00-ге дейін жұмыс істейді. Оператордың бағалауы бойынша, бастапқы кезеңде жолаушылар ағыны тәулігіне 25 мыңнан 45 мың адамға дейін жетеді.
