Қызылорда облысында балық шаруашылығы қайта жанданып келеді. Арал ауданында орналасқан жаңа «Қарашалаң балық» зауытында жыл сайын 6000 тоннаға дейін балық өнімі өңделмек.
«Зауыт заманға сай жоғары технологиялық жабдықтармен жарақталған жән экологиялық таза, халықаралық сапа мен қауіпсіздік стандарттарына сай өнім өндіруге бағытталған», - деп хабарлады Ауыл шаруашылығы министрлігінен.
Ведомство мәліметінше, жаңа зауытқа 430 млн теңге инвестиция салынған. К\Мұнда негізінен көксерке сүбесі (филесі) шығарылып, дайын өнім Германия, Дания және Норвегия елдеріне жеткізіледі.
«Қарашалаң балық» зауытының іске қосылуы балық шаруашылығын қайта түлетіп, өңірдің әлеуметтік-экономикалық тұрақты дамуына елеулі серпін беретін, сондай-ақ балық аулау дәстүрін қалпына келтіруге және Аралдың табиғи қорын тиімді пайдалануға бағытталған маңызды қадам болды», – деп атап өтті министрлік өкілдері.
