Шарын мемлекеттік ұлттық табиғи паркінде табиғатты қорғау іс-шаралары кезінде сирек кездесетін жыртқыш құс – тазқараның (Aegypius monachus) ұясындағы балапан бейнекадрға түсіп қалды, деп хабарлайды QazMonitor.
Тазқара – табиғаттағы санитар қызметін атқаратын, экожүйенің табиғи тепе-теңдігін сақтауда маңызды рөл атқаратын ірі жыртқыш құс. Ол негізінен таулы және жартасты өңірлерде ұя салып, әр маусымда көбіне бір ғана балапан өсіреді.
Шарын мемлекеттік ұлттық табиғи паркінің мемлекеттік инспекторлары сирек кездесетін жануарлар мен құстарға тұрақты мониторинг жүргізіп, олардың табиғи мекендеу ортасын қорғауға ерекше көңіл бөліп келеді.
