Астанада 20 тамыздан бастап Рақымжан Қошқарбаев даңғылының Тәуелсіздік даңғылынан М. Төлеубаев көшесіне дейінгі бөлігінде автобус жолағы енгізіледі, деп хабарлайды QazMonitor.
Арнайы бөлінген жолақ қоғамдық көліктің кедергісіз қозғалысын қамтамасыз етуге, оның жұмыс тиімділігін арттыруға және жол жүру уақытын қысқартуға мүмкіндік береді. Бұл жолаушылар үшін қоғамдық көлікпен қатынауды барынша қолайлы етуге бағытталған.
Осыған байланысты жүргізушілерден аталған учаскедегі жол қозғалысы тәртібінің өзгеретінін алдын ала ескеріп, жол белгілері мен жол таңбаларының талаптарын қатаң сақтауды сұрайды.
