Астанада Төле би көшесін салу жобасы аясында жолдың жоғарғы қабатын төсеу жұмыстарына байланысты көлік қозғалысы уақытша өзгереді. Шектеу Р. Бағланова көшесінен Т-6 көшесіне дейінгі учаскеде 6 қыркүйекке дейін енгізіледі, деп хабарлайды елорда әкімдігінің ресми сайты.
Бұл кезеңде көлік қозғалысы жолдың бір жағымен екі бағытта ұйымдастырылады.
Қала тұрғындары мен қонақтарына қозғалыс бағытын алдын ала жоспарлап, жолдағы өзгерістерді ескеру ұсынылады. Қауіпсіздікті қамтамасыз ету және жүргізушілер мен жаяу жүргіншілерге қолайсыздықты барынша азайту үшін тиісті жол белгілері мен бағыттағыш көрсеткіштер орнатылады.
