19 қыркүйекте World Cleanup Day халықаралық акциясына орай Қазақстанның барлық өңірінде ауқымды экологиялық іс-шаралар өтеді, деп хабарлайды QazMonitor.
«Таза Қазақстан» жалпыұлттық экологиялық бастамасы аясында тұрғындар, еріктілер, жастар, мемлекеттік органдар, қоғамдық ұйымдар мен бизнес өкілдері қалалар мен табиғи аумақтарды тазартуға атсалысады.
Бұл күні ел бойынша қоғамдық және табиғи аумақтарды, жағалаулар мен саябақтарды тазарту, сондай-ақ қоқыстарды жинау бойынша түрлі іс-шаралар ұйымдастырылады.
World Cleanup Day – тек аумақтарды тазарту акциясы емес, сонымен қатар қоршаған ортаға жауапкершілікпен қарап, туған жердің тазалығын сақтауға үлес қосуға мүмкіндік беретін бастама.
Қазақстанның Экология және табиғи ресурстар министрлігі барша азаматтарды World Cleanup Day акциясына қатысуға шақырады.
