Осы бағытта Көлік вице-министрі Талғат Ластаев бастаған қазақстандық делегация «Аллюр» компаниялар тобының өкілдерімен бірге EHang Future City компаниясының президенті Чжао Ванмен жұмыс кездесуін өткізді. Сондай-ақ делегация Қытайдың Юньфу қаласында орналасқан EHang компаниясының ұшқышсыз ұшу аппараттарын өндіретін зауытында болды.
Кездесу барысында тараптар қалалық әуе мобильдігі саласындағы озық технологияларды енгізу мәселелерін талқылады. Атап айтқанда, жолаушылар тасымалы мен логистикада eVTOL үлгісіндегі ұшқышсыз ұшу аппараттарын пайдалану мүмкіндіктері қарастырылды.
Сапар аясында қазақстандық делегация EHang компаниясының бас кеңсесіне де барып, компанияның әзірлемелері мен өндірістік әлеуетімен танысты.
Дереккөз ҚР Көлік министрлігі
