Соңғы жылдары Қазақстанда энергетика және коммуналдық инфрақұрылымның тозуын төмендетуге бағытталған кешенді шаралар қолға алынуда. Осы саясаттың негізгі элементі – «ЭКСЖ» ұлттық жобасы, ол желілерді, көздер мен тұрғын үй-коммуналдық нысандарды жаңарту шеңберін айқындады.
«Қазақстандық тұрғын үй-коммуналдық шаруашылықты жаңғырту және дамыту орталығы» АҚ мәліметінше, 2025 жылғы 15 желтоқсанға қарай «ЭКСЖ»-ге қатысу үшін барлық өңірлерден 267 нысанға өтініш келіп түскен. Атап айтсақ, электрмен қамтамасыз ету саласында – 153 жоба, жылумен қамтамасыз ету – 54 жоба, су жабдықтау – 24 жоба, су бұру (канализация) – 30 жоба, ашық су және канализация желілері – 6 жоба.
Қазіргі уақытта елде ұлттық аясында 220-дан астам нысан жаңартылуда. Жаңғыртуға жататын нысандар саны бойынша басым өңірлер келесідей болып келеді: Қарағанды – 25, Ақмола – 23, Шығыс Қазақстан – 19, Қостанай – 19, Жетісу – 17. Жобаны іске асыруға 2025 жылы жалпы 102 млрд теңге бөлінген.
Павлодардағы ТМ-20А жылу магистралі (6 шақырым, құны 9,7 млрд теңге) желінің өткізу қабілетін 10%-ға арттырды, 350-400 тұрғын үйді жылумен қамтамасыз етті, жылу шығынын нормативтік деңгейге жеткізді. Теміртаудағы ТМ-2А желілерін қайта құру 10,28 км желіні жаңартып, 100 тұрғын үйді тұрақты жылумен қамтты, жобаның құны 1,89 млрд теңге.
Бұл жобалар «ЭКСЖ»-нің нақты нәтижелерін көрсетеді: маңызды нысандар жаңартылып, инфрақұрылым тұрақтылығы қамтамасыз етілуде, тұрғындардың тұрмыс сапасы артып келеді.
