ҚР Қаржы министрлігі мемлекеттік сатып алу жүйесін жетілдіру бойынша жұмыстар жүргізіп келеді. Электронды дүкеннің қызметін жақсарту үшін бірқатар шара қабылданды.
Енді сатып алу процесінде барлығына тең мүмкіндік беріледі және тауарларды қымбат бағамен алу қаупі азайтылады. Бұған алдын ала тапсырысты рәсімдеу тәртібі енгізілді. Сонымен қатар, тауарларды біріктіріп лотқа қосу жағдайлары шектелді. Әр нұсқа бойынша нақты іс-қимыл тәртібі белгіленген.
Тапсырыстар тек сағат 08.00-20.00 аралығында рәсімделеді. Бұл түнгі уақытта процесс жүруінің алдын алады.
Жаңа тәртіп 2025 жылғы 19 желтоқсаннан бастап күшіне енді. Өзгерістер мемлекеттік сатып алулардың ашықтығын арттырады және барлық қатысушылар үшін түсінікті жүйе қалыптастырады.
Дереккөз: ҚР Қаржы министрлігі
