2026 жылы Павлодар облысы – 977, Ақмола облысы – 285, Абай облысы – 264, Шығыс Қазақстан облысы – 200, Солтүстік Қазақстан облысы – 200, Қостанай облысы – 200, Атырау облысы – 125, Батыс Қазақстан облысы – 30 отанына оралған қандасты қабылдайтын болып белгіленді, деп хабарлады QazMonitor-ға ҚР Еңбек және халық әлеуметтік қорғау министрлігінің баспасөз қызметі.
Ал қоныс аударушылар бойынша Солтүстік Қазақстан облысына – 2 820, Павлодар облысына – 1 655, Шығыс Қазақстан облысына – 600, Қостанай облысына – 485, Абай облысына – 275, Ұлытау облысына – 125, Қарағанды облысы – 37 адам саны бекітілді.
Қандастар мен қоныс аударушыларды қабылдаудың өңірлік квотасына енгізілген адамдарға:
көшуге субсидиялар – отбасының әрбір мүшесіне 70 АЕК бойынша біржолғы төлем;
12 ай ішінде бір отбасына 15-тен 30 АЕК-ке дейін төленетін тұрғын үйді жалдау (жалға алу) және коммуналдық қызметтерге ақы төлеу бойынша шығыстарды жабу үшін субсидиялар;
400 АЕК мөлшерінде қоныс аударуға жәрдем көрсететін жұмыс берушілер үшін субсидиялар;
қысқа мерзімді кәсіптік оқытуға жолдама;
жұмысқа орналасуға немесе кәсіпкерлік бастаманы дамытуға жәрдемдесу;
тұрғын үй сатып алуға экономикалық мобильділік сертификаттарын беру секілді мемлекеттік қолдау шаралары қарастырылған.
