Президент Қазақстанның төрағалығы аясында жасанды интеллект, логистика, өндіріс және сауда салаларында бірлескен шараларды іске асыруды ұсынды.
2026 жылғы 1 қаңтардан бастап Қазақстан Республикасы Еуразиялық экономикалық одақ (ЕАЭО) органдарына төрағалық етеді. Президент Қасым-Жомарт Тоқаев мемлекеттерге интеграцияны нығайту, экономикалық ынтымақтастықты дамыту және кедергісіз сауда ортасын қалыптастыру бағытында бірлескен жұмыс істеуді ұсыныс етті.
Қазақстан төрағалығы кезінде басты назар жасанды интеллект пен цифрлық трансформацияға, еуразиялық логистикалық хабты дамытуға, өндіріс пен агроөнеркәсіп кешенін цифрландыруға, сондай-ақ сыртқы сауда серіктестерімен байланыстарды кеңейтуге аударылады.
Сонымен қатар, Қазақстан 2030 және 2045 жылдарға арналған «Еуразиялық экономикалық жол» декларациясын жүзеге асыруға кіріспек. ЕАЭО елдерімен бірлесіп жасанды интеллектіні жауапкершілікпен дамыту, көлік-логистикалық инфрақұрылымды жетілдіру, өндіріс пен агроөнеркәсіпте цифрлық шешімдерді енгізу және саудадағы әкімшілік кедергілерді жою негізгі міндеттер ретінде белгіленген.
Мемлекет басшысы Қазақстанның төрағалығы ЕАЭО-дағы интеграциялық процестерді ілгерілетуге, жаңа технологиялар мен инвестицияларды тартуға септігін тигізетінін атап өтті.
