Қазақстанда азаматтарға мемлекеттік тіркеу нөмірлік белгісін (МТНБ) еркін таңдау мүмкіндігі берілді. Халыққа қолайлы жағдай жасау мақсатында бұл ереже 2026 жылғы 1 қаңтардан бастап қолданысқа енгізілді. Бұл туралы polisia.kz сайтына сілтеме жасап QazMonitor хабарлайды.
Жаңа талапқа сәйкес, 5 қаңтардан бастап көлік иелері арнайы мамандандырылған халыққа қызмет көрсету орталықтары арқылы қалаған әріптік және цифрлық белгілері бар мемлекеттік нөмірді таңдай алады.
ҚР ІІМ Әкімшілік полиция комитетінің өкілі Арай Төлегенқызының айтуынша, кез келген әріптік және цифрлық белгілері бар МТНБ құны 10 немесе 15 айлық есептік көрсеткішті құрайды. Дегенмен, бұл талап жоғары сұранысқа ие нөмірлерге қолданылмайды.
