Қазақстандағы Халыққа қызмет көрсету орталықтары (ХҚКО) жаңа форматқа көшеді. Енді олар «Цифрлық халық кеңселері» деп аталып, әлемдік технологиялық алпауыт Apple-дің сервис көрсету үлгісіне бағдарланады.Бұл туралы бүгін Үкімет отырысында Премьер-министрдің орынбасары – Жасанды интеллект және цифрлық даму министрі Жаслан Мәдиев айтты, деп хабарлайды, QazMonitor.
Оның айтуынша, ХҚКО-лар трансформацияның жаңа кезеңіне аяқ басты. Жаңа модельдің негізгі фокусы – кезек күту мен қағазбастылықты жойып, «өзіне-өзі қызмет көрсету» деңгейін арттыру болады.
«Жыл сайын шамамен 15 миллион адам баратын Халыққа қызмет көрсету орталықтары «Цифрлық халық кеңселерінде» болып қайта форматталып жатыр. Apple Store принциптеріне бағдарланған жаңа жұмыс моделі сұранысқа ие қызметтерді өзіне-өзі қызмет көрсету форматына көшіруді көздейді», министр.
Сонымен қатар, бизнес-сегмент үшін де өзгерістер бар. eGov Business платформасы арқылы бүгінде 5 миллионға жуық қызмет көрсетілген. Министрлік биыл «Атамекен» ҰКП-мен бірлесіп, платформа функционалына әкімдіктер мен табиғи монополия субъектілерінің қызметтерді қоспақ. Бұл кәсіпкерлер үшін техникалық шарттар алу мен мемлекеттік қолдауға жүгіну процесін «бір терезе» принципімен жеңілдетеді, деп атап өтті ведомство басшысы.
Еске салсақ, бұған дейін Қазақстан IT-нарығының табысы 2 трлн теңгеге жеткені хабарланды. Қазіргі уақытта ресми статистикаға сәйкес, елде IT мамандарының орташа жалақысы елдегі орташа деңгейден екі есе жоғары.
Сонымен қатар биыл Қазақстан нарығына екі шетелдік спутник операторы кіреді. ҚТЖ пойыздары мен «Эйр Астана» ұшақтарында спутниктік интернет қолжетімді болады.
