Елімізде «Көлік логистикасын цифрлық дамыту орталығы» республикалық мемлекеттік мекемесі құрылды. Оны құру жөніндегі Қазақстан Республикасы Үкіметінің тиісті қаулысына 2025 жылғы 31 желтоқсанда қол қойылды.
Жаңа орталықтың негізгі міндеті – көлік-логистика саласындағы цифрлық шешімдерді дамыту, үйлестіру және салалық ақпараттық жүйелердің өзара ықпалдастығын қамтамасыз ету.
Мекеме көлік және логистика секторындағы цифрландыру процестерін жеделдетуге, цифрлық платформаларды енгізуге және саланың тиімділігін арттыруға бағытталған жобаларды іске асырумен айналысады.
