Елімізде қазір 26 ақылы учаске жұмыс істейді, олардың жалпы ұзындығы – 4 883 шақырым. Оның ішінде 12 учаске I техникалық санатқа (2 231 шақырым), 14 учаске II-III техникалық санаттарға (2 652 шақырым) жатады, деп хабарлады QazMonitor-ға ҚазАвтоЖол баспасөз қызметі
Сапарлардың басым бөлігі ірі қалалар мен негізгі транзиттік бағыттар бойынша жасалған. Ең белсенді 5 учаске барлық сапарлардың 51%-ын, ал ең белсенді 10 учаске шамамен 73%-ын құрап отыр.
Ең көп қозғалыс Алматы – Қонаев бағытында тіркеліп, 11,8 млн сапарды құрады. Оңтүстік бағыттағы Шымкент түйіні мен Өзбекстан шекарасына шығу жолдары 9,3 млн сапармен екінші орында тұр.
2025 жылғы ақылы жолдар бойынша сапар саны бойынша алдыңғы ондықтағы бағыттар:
1. Алматы – Қонаев – 11,8 млн
2. Шымкент – Өзбекстан шекарасы – 9,3 млн
3. Шымкент – Тараз – 6,5 млн
4. Тараз – Қайнар – 5,4 млн
5. Шымкент – Қызылорда – 4,8 млн
6. Астана – Теміртау – 4,4 млн
7. Қонаев – Талдықорған – 3,9 млн
8. Астана – Щучинск – 3,7 млн
9. Щучинск – Көкшетау – 3,2 млн
10. Астана – Павлодар – 2,5 млн.
