Жобаның бірінші кешені аясында негізгі төмендеткіш қосалқы станцияға арналған жабдықтар құрылыс алаңына жеткізілді. Қуаты 25 МВА болатын күштік трансформаторлар жақын уақытта Қазақстанға жеткізіледі, деп хабарлады QazMonitor-ға ҚМГ баспасөз қызметі.
Екінші іске қосу кешені бойынша жеті нысанның құрылысы жалғасып жатыр. Атап айтқанда, өрт бекеті, зертхана, қойма, әкімшілік-тұрмыстық кешен, операторларға арналған бөлме, өртке қарсы резервуарлар және химиялық реагенттер қоймасы салынып жатыр.
Сонымен қатар алдын ала салқындату және сынапты жою блоктарының модульдерін құрастыру басталды. Siemens газ турбинасына арналған қозғалтқыш, сондай-ақ сфералық және вертикалды болат резервуарлардың бөлшектері дайын. Қазіргі уақытта жабдықтарды жеткізуге қатысты логистикалық мәселелер пысықталуда.
Жобада көзделген 22 позициядан тұратын технологиялық жабдықтың бір бөлігі әзірленіп қойған. Оның ішінде пропан тоңазытқыш қондырғысының компрессоры, жылу алмастырғыштар, сыйымдылықтар мен сүзгілер бар.
Қазіргі уақытта құрылыс жұмыстары бекітілген кестеге сәйкес жүргізіліп жатыр. Жаңа газ өңдеу зауыты жылына 900 млн текше метрге дейін табиғи және ілеспе газды өңдеуге қауқарлы болады.
