QazMonitor-дың хабарлауынша, шақырту алған университеттер қатарында Harvard University, Brown University (Ivy League), University of Cambridge, Stanford University, Massachusetts Institute of Technology (MIT) және әлемдік рейтингтерде алдыңғы қатарда тұрған өзге де жетекші жоғары оқу орындары бар. Университеттер оқушының академиялық және зерттеушілік әлеуетін жан-жақты бағалап, соның негізінде шақырған.
Аяланың оқуына ұсынылған қаржылық қолдау жалпы 2 миллион АҚШ долларын құрайды, бұл оқу шығындарын толық немесе ішінара өтеуге мүмкіндік бермек.
Талапты оқушының академиялық жолы 8-сыныптан бастау алып, содан бері бірталай халықаралық бағдарламаларға, ғылыми-зерттеу жобаларына тұрақты қатысып келеді. Университеттерден ресми шақырту алғанға дейін ол халықаралық жобаларды іске асырып, нақты инвестиция тартып, нақты нәтижеге қол жеткізген.
Қазіргі таңда Аяла Канадада орналасқан компанияда осы жоба аясында жұмыс істеп, мектептегі оқуын кәсіби қызметімен қатар алып жүр. Сонымен қатар, ол университеттік курстардан өтіп, болашақ академиялық кредиттерді алдын ала меңгеруде.
