Энергетика министрлігі Курчатов қаласында қуаты 700 МВт болатын жаңа конденсациялық электр станциясын салуға тендер өткізді, деп хабарлайды QazMonitor.
Өткізілген тендер нәтижелері бойынша 2026 жылғы 12 қаңтарда «ГРЭС Курчатов» ЖШС компаниясы атынан жеңімпаз анықталды. Министрлік пен тендер жеңімпазы арасында жаңадан пайдалануға берілетін генерациялайтын қондырғыларды салуға шарт жасалды.
Станса «таза көмір» технологиялары негізінде, будың аса критикалық бу параметрлері бойынша станцияның жұмыс режимімен іске асырылатын болады. Жобаның құрылыс кезеңінде 4 000-ға дейін және станция пайдалануға берілгеннен кейін 400-ге дейін жұмыс орны ашылады.
«Осы жоба аясында шығарындыларды тазарту мен сүзудің, сондай-ақ шаңды басудың заманауи технологияларын қолдануға ерекше назар аударылады. Жоба қолданыстағы Экологиялық кодекске және ЕҚТ (ең озық қолжетімді технологиялар) нормаларына сәйкес, әлемдік стандарттар деңгейіндегі газ тазалау жүйелерін орнатуды көздейді», делінген Энергетика министрлігі ақпаратында.
Сонымен қатар конденсациялық көмір электр станциясының құрылысы бюджет қаражатын тартпай, электр қуаты нарығының қолданыстағы механизмі шеңберінде жүзеге асырылатын болады.
