Сәтбаев университетінің жас ғалымдары «Жас ғалым» гранттық бағдарламасы аясында машина жасау саласына арналған инновациялық шешім ұсынды. PhD Ақжарқын Игібаеваның жетекшілігімен жүргізілген зерттеу нәтижесінде дәстүрлі металл сорғылардың орнын басатын көміртекті фибробетоннан жасалған сорғы корпусы әзірленді, деп хабарлайды QazMonitor.
Ғалымдардың айтуынша, металдан жасалған дәстүрлі сорғы корпустарының беріктігі жоғары болғанымен, олардың салмағы айтарлықтай ауыр, дайындалуы күрделі және діріл деңгейі өте жоғары болады.
Жүргізілген зерттеулер фибробетоннан жасалған сорғы корпустарының динамикалық жүктемелерге төзімділігі жоғары екенін, коррозияға қарсылығы тұрақты және дәстүрлі металл баламаларымен салыстырғанда олардың пайдалану мерзімі ұзағырақ болатынын көрсеткен.
«Машиналардың корпустық бөлшектерінде фибробетонды қолдану діріл мен шудың деңгейін айтарлықтай төмендетуге, тораптардың пайдалану тұрақтылығын арттыруға және дайындау технологиясын жеңілдетуге мүмкіндік береді. Зерттеу барысында сондай-ақ материалды қалыптау және қатайту технологиясы әзірленіп, орталықтан бағытталатын сорғы корпусы беріктік пен геометриялық дәлдік талаптарына сай етіп дайындалды», деді Игібаева.
Ғалымдар әзірленген технология машина жасау, тау-кен металлургия өнеркәсібінде, көліктік машина жасауда және орталықтан бағытталатын сорғыларды қолданатын, әрі олардың пайдалану сипаттамаларын арттыру қажет болатын басқа да салаларда қолдануға болады.
