Халықаралық бокс федерациясы (IBF) қазақстандық боксшы Жәнібек Әлімханұлын орта салмақтағы әлем чемпионы атағынан айырды, деп хабарлайды QazMonitor.
Боксшының командасы мәлімдегендей, 10 наурыз күні кешке Қазақстан кәсіпқой бокс федерациясы IBF-тен Жәнібек Әлімханұлының орта салмақтағы әлем чемпионы атағынан айырылғаны туралы хат алды. Ұйым ережесіне сәйкес, әрбір чемпион өз белбеуін әр тоғыз ай сайын қорғауы тиіс. Әлімханұлы 2026 жылдың 4 шілдесіне дейін қорғау жекпе-жегін өткізуі керек еді, бірақ бұл орындалмады.
Осыған байланысты 2026 жылғы 5 наурызда IBF директорлар кеңесі титулды бос деп жариялады. Боксшының шеттетілуі 2026 жылдың 2 желтоқсанына дейін жалғасады.
Қазақстанның кәсіпқой бокс федерациясының президенті Рахымжан Ерденбеков боксшының апелляция беруге мүмкіндігі бар екенін атап өтті. Ол бұл жағдай Әлімханұлының командасы үшін сабақ болатынын айтып, спортшының рингке бұрынғыдан да мықты болып оралатынына және төрт әлемдік белбеуді де иеленуге тырысатынына сенім білдірді.
