Индиан-Уэллс қаласында маусымның ең ірі турнирлерінің бірі аяқталды. Әлемнің екінші ракеткасы Елена Рыбакина үш сағатқа жуық созылған тартысты финалда рейтинг көшбасшысы Арина Соболенкодан жеңіліп қалды, деп хабарлайды QazMonitor порталы КТФ-ға сілтеме жасап.
Рыбакина кортта сенімді қимылдап, бірінші сетті 6:3 есебімен өз пайдасына шешті. Екінші партияда Соболенко дәл сондай есеппен (3:6) жауап беріп, матчты шешуші сетке ұластырды. Финалдық партия тай-брейкпен аяқталып, онда беларусьтік теннисші басым түсті. Қорытынды есеп Соболенконың пайдасына 6:3, 3:6, 6:7.
Жеңіліске қарамастан, Рыбакина маусымның шешуші матчтарында жоғары деңгейдегі ойын көрсетіп, турдың ең мықты ойыншыларының бірі деген мәртебесін бекітті.
Жаңартылған WTA рейтингі
Турнирден кейін WTA әлемдік классификацияны жаңартты. Елена Рыбакина үшінші сатыдан екінші орынға көтеріліп, жеке рекордын орнатты. Көшбасшы болып Арина Соболенко қалды, ал үшінші орынға польшалық теннисші Ига Швёнтек жайғасты.
Украиналық Элина Свитолина мен канадалық Виктория Мбоко бір сатыға көтеріліп, сәйкесінше сегізінші және тоғызыншы орындарға ие болды. Ресейлік Мирра Андреева сегізінші орыннан оныншы сатыға сырғыды.
Юлия Путинцева өз позициясын бір сатыға жақсартып, қазір рейтингте 75-орында тұр.
