«Шахтёр» футбол клубының жанынан алғаш рет әйелдер командасы құрылды. Енді бұл ұжым елдегі кәсіби футболдың ең жоғары дивизионы — Қазақстан Премьер-лигасында клуб намысын қорғайды, деп хабарлайды QazMonitor.
Команда құрамы 2005–2010 жылдары туған клуб тәрбиеленушілерінен құралған. Олардың барлығы «Шахтёр» жүйесінде дайындықтан өткен жергілікті футболшылар. Сондай-ақ құрамды күшейту мақсатында «Астана» клубынан екі спортшы қосылды.
Қазір команда алғашқы оқу-жаттығу жиынын өткізді, енді сәуір айының ортасына жоспарланған келесі жиынға дайындық жүргізіп жатыр.
Жаңа маусымдағы әйелдер командасының дебюті Қарағандыда өтеді, алғашқы кездесуін Семейдің «Елімай» клубымен өткізеді деп жоспарланған.
