Жоба ауылдық туризмді дамытуға, мәдени мұра мен дәстүрлерді сақтауға, сондай-ақ өңірлердің экономикалық өсімін ынталандыруға бағытталған, деп хабарлайды QazMonitor.
Байқауға өтінімдер 2026 жылдың 10 сәуіріне дейін қабылданады. Ережеге сәйкес, қатысушыларды өңірлік облыс әкімдіктері ұсынады. Әр облыс конкурсқа үш ауылға дейін кандидатура ұсына алады.
Үміткерлерді туризм саласындағы сарапшылардан құралған тәуелсіз кеңес бағалайды. Байқау нәтижесі бойынша туристік әлеуеті жоғары ауылдар анықталып, оларды дамыту бойынша қосымша мүмкіндіктер қарастырылады.
Айта кетейік, былтыр «Үздік туристік ауыл» тізіміне Лепсі ауылы (Жетісу облысы), Нағи Ілиясов ауылы (Қызылорда облысы), Хан Ордасы ауылы (Батыс Қазақстан облысы), Поперечное ауылы (Шығыс Қазақстан облысы) және Шабанбай би ауылы (Қарағанды облысы) енген.
