Баянауылда заманауи Vizit Bayanaul «Сарыарқа сыры» визит-орталығы ашылды, деп хабарлайды QazMonitor Павлодар облысы әкімдігінің баспасөз қызметіне сілтеме жасап.
Жаңа нысан өңірдің туристік инфрақұрылымын жаңғырту аясында іске қосылып, ұлттық паркке келушілерге арналған негізгі ақпараттық және навигациялық орталық қызметін атқарады.
Аумағы 740 шаршы метр болатын кешенде туристік бағыттардың цифрлық картасы бар интерактивті аймақ, музей кеңістігі, конференц-зал, коворкинг, трансформер-кітапхана, кофехана, ана мен бала бөлмелері және демалыс аймақтары орналасқан.
Визит-орталықтың ерекшелігі – жасанды интеллект технологияларын пайдалану. Заманауи мультимедиялық шешімдер арқылы келушілер Баянауылдың табиғаты, тарихы мен мәдени мұрасымен интерактивті форматта таныса алады.
