Shymbulak тау-шаңғы курортында қысқы демалыс маусымы ашылды. Биылғы 10 айда курортқа 1,1 млн турист келген. Бұл туралы Алматы әкімдігі хабарлады.
Әкімдік мәліметінше, 2025 жылы қаңтар-қараша айларында Іле-Алатау ұлттық саябағына 901 мың адам, ал қаңтар-қазан аралығында Shymbulak курортына 1,1 млн турист келген.
«2025 жылдың жазында Shymbulak 450 мыңнан астам қонақты қабылдады. Бұл таудағы демалысқа деген сұраныстың жыл бойына жоғары екенін көрсетеді. Shymbulak тау-шаңғы курорты Орталық Азиядағы жетекші бағыттардың бірі саналады. Былтыр Өткен маусымда мұнда 1,5 млн адам келді, ал халықаралық басылымдар Shymbulak-ты әлемдегі ең үздік 5 тау шаңғысы бағыттарының қатарына енгізді», делінген ақпаратта.
Курорт жаңа маусымда туристік белсенділік аясын кеңейтуді жоспарлап отыр. Le Mont алаңында әр сенбі сайын күндізгі après-ski өтеді. Қазіргі күні Талғар, Жасыл Алаң, Ақ Аю және Ақбарсық трассалары жұмыс істеп тұр. «Қосымша беткейлер мен Талғар асуынан түнгі сырғанау алаңдары ауа райы тұрақты суытқан сәттен бастап іске қосылады», деп қосты әкімдікте.
2025 жылдың үш тоқсанында Алматыға 563 мың шетелдік турист келген, ал жыл соңына қарай олардың саны 750 мың адамға дейін артады деп жоспарланған.
