Қазақстанда Бірыңғай медициналық деректер қоймасының негізінде E-Densaulyq атты экожүйе құрылып жатыр. Меншік түріне қарамастан барлық медициналық ақпараттық жүйелермен біріктірілуі азаматтарға электрондық денсаулық паспортына еркін қол жеткізуге мүмкіндік береді. Денсаулық сақтау министрлігінен атап өткендей, «деректер пациент иелігінде» қағидаты медицинаны ашық әрі басқаруға ыңғайлы етеді.
E-Densaulyq 17 ақпараттық жүйені біріктіретін болады.
Экожүйенің негізгі құрамы:
• халықns тіркеу тізілімі,
• денсаулық сақтау ресурстарын басқару жүйесі (кадрлар, жабдықтар, лицензиялар есебі),
• дәрі-дәрмекпен қамту жүйесі
• медициналық көмекті төлеудің бірыңғай жүйесі.
Еске салайық, 2024 жылдан бастап пациентті сәйкестендіруге арналған Face ID технологиясы енгізілді. Қазіргі кезде азаматтардың 57%-ы тіркеуден цифрлық сервистер: Face ID, «Цифрлық құжат» және пациент коды арқылы өтеді.
