Қызылорда қаласында еліміздегі үшінші Президенттік кітапхананың құрылысы басталды, деп хабарлайды QazMonitor.
Жоба аясында аумағы 13 мың шаршы метр болатын заманауи кітапхана салу жоспарланған. Нысан құрылысына шамамен 20 млрд теңге көлемінде инвестиция тартылған.
Кітапхана ғимаратында оқу залдары, конференц-залдар, басылым және архив бөлімдері, сирек кітаптар қоры, электрондық кітапхана, әлем әдебиеті бөлімі, өнер галереялары, көрме алаңдары, коворкинг орталықтары және қалпына келтіру шеберханасы қарастырылады.
Жаңа Президенттік кітапхана тек кітап сақтау орны ғана емес, сонымен қатар білім мен мәдениетті тоғыстыратын, рухани дамуға және оқу мәдениетін ілгерілетуге бағытталған заманауи орталық болмақ.
