Қазақстанда жаңа жекеменшік мектептерге мемлекеттік тапсырысты орналастыруға мораторий жарияланды. Бұл туралы Үкімет отырысында ҚР Премьер-министрінің орынбасары Аида Балаева мәлімдеді, деп хабарлайды QazMonitor.
Вице-премьердің айтуынша, бұл қадам бюджет қаражатын тиімді әрі мақсатты пайдалану үшін жасалып отыр. Ендігі кезекте мемлекеттік қаржыландыру тек өңірдегі нақты қажеттіліктер негізінде ғана бөлінетін болады.
«Мемлекеттік қаржыландыру енді тек өңірдегі нақты қажеттілігі бар жекеменшік мектептерге ғана бағытталады. Бұл ретте мемлекеттік мектептердің болмауы, үш ауысымды оқытуды жою және апатты мектептер орынына жаңа білім беру нысандарының салынуы негізгі басымдық ретінде айқындалып отыр», деді Балаева.
Оқу-ағарту министрлігі жекеменшік мектептерге лицензиядан кейінгі бақылауды күшейтеді. Негізгі назар білім сапасына, кадрлық құрамға және балалардың қауіпсіздігіне аударылмақ.
Айта кетейік, қазіргі таңда Қазақстанда 785 жекеменшік мектеп толық цифрландырылып, бюджеттеу жүйесімен синхрондалған.
