2025 жылы Қазақстанда Әкімшілік құқық бұзушылық туралы кодекстің 449-бабы – қоғамдық орында адамдардың мазасын алу бойынша тіркелген құқық бұзушылықтар саны ең жоғары көрсеткішке жетті, деп хабарлайды QazMonitor.
Бұл норма алғаш рет 2015 жылғы 1 қаңтарда енгізілгеннен бері ең көп – 115,9 мың жағдай тіркелді. Өткен жылмен салыстырғанда көрсеткіш 29 %-ға өсті.
Белгілі болғандай, бұл бап қоғамдық орында адамға қажетсіз түрде қызметтерді қыр соңынан қалмай жүріп ұсыну (мысалы, балашу, тән саудасы, тауарлар немесе қызметтерді сату) және қайыр сұрау сияқты әрекеттерге қатысты. Мұндай құқық бұзушылықтар көшелерде, алаңдарда, дүкендер мен ғимараттар аймақтарында, вокзал перрондарында және қоғамдық көлікте орын алады.
2015 жылдан бері осы бап бойынша құқық бұзушылықтар дерегі жыл сайын көбейіп келеді: он жыл ішінде көрсеткіш орта есеппен 37 %-ға артқан. Дегенмен 2025 жылы бұл сан алғаш рет 100 мыңнан асқан.
2025 жылы барлығы 115,6 мың әкімшілік іс қаралды, олардың ішінде 440 іс қана тоқтатылды. Ең жиі қолданылған жаза – ескерту (111,4 мың), ал айыппұлдар әлдеқайда аз – 3,4 мың жағдайда салынды. Осы себепті жалпы салынған айыппұлдардың сомасы 56,3 млн теңге, оның ішінде 25,7 млн теңге ғана өндірілді. Сонымен қатар әкімшілік істер бойынша кейбір адамдарға қамауға алу (146), Қазақстан аумағынан шығару (120) және қоғамдық жұмыстар (3) сияқты жазалар қолданылды.
Жалпы есеп бойынша 115,1 мың адам әкімшілік жауапкершілікке тартылды, олардың ішінде 1,6 мың – шетел азаматтары және 67 – кәмелет жасқа толмағандар бар.
