Бұл шешім «Дене шынықтыру және спорт туралы» заңның жаңа редакциясы аясында ротация принципі бойынша қабылданды, деп хабарлайды QazMonitor.
Серік Сәпиев – бокстан Лондон Олимпиадасының чемпионы және 2010 жылғы Азия ойындарының жеңімпазы. Бұған дейін ол ҚР Парламенті Мәжілісінің депутаты, спорт комитетінің төрағасы және өңірлік басқарма басшысы қызметтерін атқарған. Қазіргі таңда Сәпиев Қазақстан Республикасының Ұлттық сурдлимпиадалық комитетінің президенті болып табылады.
Дайындық штабына министрлік өкілдері, ұлттық спорт федерацияларының жетекшілері мен спорт саласының ардагерлері кірді. Олар жазғы Азия ойындарына дайындықтың әр кезеңін үйлестіріп, міндеттердің сапалы орындалуын қамтамасыз етеді.
Жазғы ХХ Азия ойындары 19 қыркүйек пен 4 қазан аралығында Жапонияның Айчи және Нагоя қалаларында өтеді. Азиада-2026 бағдарламасына 41 спорт түрі енген, жалпы 460 жүлде жиынтығы сарапқа салынады.
