Ұлттық Банк «Банкаралық мобильді төлемдер жүйесінің жұмыс істеу қағидаларын бекіту туралы» қаулының жобасын әзірледі, деп хабарлайды QazMonitor.
Онда жүйенің жұмыс тәртібін айқындап, қатысушы банктерге ақпарат алмасу, оңайлатылған идентификатор арқылы банкаралық ақша аударымдары мен QR-код арқылы төлем қызметін көрсету кезінде өзара іс-қимыл талаптарын белгілейді.
Жаңа жүйе арқылы клиенттер алушының телефон нөмірін біле отырып, басқа банктерге ақша аудара алады. Сонымен қатар, кәсіпкерлер үшін банкаралық QR-кодты пайдаланып төлем қабылдау кезінде әртүрлі банктердің бірнеше POS-терминалын орнату қажеттілігі жойылады. Сервис сатып алушыларға басқа банктердің пайдасына QR-төлемдерді өз банкінің мобильді қосымшасы арқылы жүзеге асыруға мүмкіндік береді.
